Yeh Wahi Saim Chishti Hai Jis Ne Apni Kitab Mushkil Kusha Mein Sayyiduna Siddique-E-Akbar (Radi Allahu Ta'ala Anhu) Par Rakeek Hamle Kiye. Buzurgon Ki Janib Jhooti Ibaratein Mansoob Karke Sayyiduna Maula Ali (Radi Allahu Anhu) Ki Khilafat-E-Batini Sabit Ki Aur Sayyiduna Ameer Muawiyah (Radi Allahu Anhu) Ko Isi Kitab Mein Bura Kaha. Imaan-E-Abi Talib Ka Yeh Banda Qail Hai. Mazeed Jankari Ke Liye Allama Muhammad Ali Naqshbandi Alaihir Rahmah Ki Kitab Mizan-Ul-Kutub Aur Dushmanan-E-Ameer Muawiyah (Radi Allahu Ta'ala Anhu) Ka Ilmi Muhasabah Mulahazah Farmaien.
Musannif Garche Sunni Hain Lekin Janab Ne Kitab Ko Rawafiz Ki Riwayat Se Pur Kar Rakha Hai. Man-Ghadat Istdlal Kiya Hai, Rone Aur Rulane Ke Liye Ajeeb Tarz Apnaya Hai. Lehaza Is Se Bachein. Dekhiye Mizan-Ul-Kutub.
Yeh Musannif Sunni Nahi Aur Yeh Kitab Novel Ke Andaz Par Hai. Is Mein Ajeeb-O-Ghareeb Waqiat Ko Likha Gaya Hai. Is Ke Mutalliq Allama Shareh Bukhari Farmate Hain Ke Yeh Mu'atabar Nahi.
Is Kitab Ke Mutalliq Allama Shareh Bukhari Alaihir Rahmah Ne Farmaya Ke Is Mein Bohat Si Mauzoo Riwayat Darj Hain.
Is Ka Musannif Yani Rashid-Ul-Khairi Pakka Rafzi Guzra Hai. Is Ki Tamam Kitabon Se Bachein. Mazeed Maloomat Fatawa Badral-Ulama Mein Mulahazah Karein.
Musannif Sunni Nahi Balki Yeh Baad Mein Qadiani Ho Gaya Tha. Isi Kitab Ke Baaz Iqtibasat Ko Ahsan-Ul-Intikhab Nami Kitab Mein Sarqah Karke Likha Gaya Hai, Jis Ke Radd Mein Bawariq-Ul-Azab Li-A'da-Il-Ashab Nami Lajawab Kitab Maujood Hai.
Instagram
0 Comments