Tajul Mashaikh Ameen-E-Millat Hazrat Professor Sayyed Shah Muhammad Ameen Miyan Qadri
Sajjada Nasheen, Khanqah-E-Barkatiya, Marahra Sharif
Introduction
Hazrat Ameen-E-Millat, Hazrat Ahsanul Ulama Alaihirrahmah Ke Sabse Bade Sahabzade Hain. Do Bade Bhaiyon Ke Wisal Ke Baad Aapki Wiladat 15 August 1952 E. Mutabiq Zilqada 1371 Hijri Kasba Kasganj Ke "Mission" Hospital Mein Hui.
Dargah-E-Mu'alla Ke Madrasa "Kasimul Barkat" Se Taleem Ki Ibtida Ki. Munshi Saeeduddin Sahab Ne Urdu Padhai, Qur'an-E-Azeem Hazrat Walide Majid Alaihirrahmah Aur Hafiz Abdur Rahman Sahab Alaihirrahmah Se Padha. Deeni Wa Roohani Taleem Apne Walide Majid Huzoor Ahsanul Ulama Aur Bade Abba Huzoor Sayyidul Ulama Se Hasil Farmai.
Das Pare Hifz Kiye. Marahra Sharif Se High School Karke Aligarh Muslim University Se First Division Mein M.A. (Urdu) Kiya Aur Wahi Se Mir Taqi Mir Ph.D. Ki Degree Hasil Ki. M.A. Ka Result Nikalne Se Pehle Hi Sho'ba-E-Urdu Aligarh Muslim University Mein Bahaisiyat Lecturer Taqarrur Hua.
Uske Baad Kuch Asatiza Ke Aqraba Parwari Se Bezaar Hokar St. John's College Agra Mein Lecturer Ho Gaye Aur Lagbhag Aath Baras Dars-O-Tadrees Mein Guzare. Muslim University Ke Sho'ba-E-Urdu Mein Bahaisiyat Reader Wapas Tashreef Laye Aur Baad Mein Professor Ke Ohda-E-Jaleela Par Faiz Hue, Jo University Ki Aala Taleem Ki Dars-O-Tadrees Ka Sabse Bada Mansab Samjha Jata Hai.
Spiritual Journey
Hazrat Tajul Ulama Ne Aapko Bachpan Mein Hi Bai'at Wa Khilafat Se Nawaz Diya Tha. Unhone Apni Hayat-E-Mubarakah Mein Hi Apne Jaunashin Hazrat Ahsanul Ulama Ki Wafaat Ki Soorat Mein Aapko Sajjada Nashin Aur Mutawalli Dargah-E-Khanqah Muqarrar Kar Diya Tha.
Aapko Aapke Walide Majid Hazrat Ahsanul Ulama Ne Apni Sajjada Nashini Ke Din, Yaani 1956 E. Mein Tamam Silsilon Ki Ijazat Wa Khilafat Se Sarfaraz Kiya.
Urse Razvi Ke Mauqe Par Huzoor Mufti-E-Azam Hind Alaihirrahmah Ne Bhi Aapko Apne Daulat Kade Par Aur Phir Minbar-E-Rasool ﷺ Par Ek Hi Din Mein Baar-Baar Khilafat Ata Farmai Aur Lakhon Ke Majma Ke Samne Woh Jumla Kaha Jo Mashhoor-E-Zamana Ho Gaya:
Uske Baad Huzoor Mufti-E-Azam Hind Ne Apna Jubba, Amaama Aur Tehreeri Muhr Shuda Khilafat Nama Inayat Farmaya.
Huzoor Ahsanul Ulama Alaihirrahmah Ke Wisal Ke Baad Aap Masnade Barkati Pe Jalwa Afroz Hokar Sajjada Nashin Hue. Rab Tabarak Wa Ta'ala Ne Hazrat Ameen-E-Millat Ke Haath Mein Roohani Shifa Ka Khazana Ata Farmaaya Hai.
Aham Paighaam
Hazrat Ameer Muawiyah رضي الله عنه Ki Shan
Hazrat Ameer Muawiyah رضي الله عنه Ki Shan Mein Gustakhi Karne Wale Kisi Shakhs Se Hamara Koi Talluq Nahi. Tamam Barkatiyon Ko Hukm Diya Jata Hai Ki Kisi Bhi Sahabi-E-Rasool ﷺ Ki Gustakhi Karne Wale Se Door Rahein Aur Uska Saath Na Dein. Apne Deen Aur Apne Aqeede Ki Mazbooti Se Hifazat Farmayein.
Bareli Shareef Se Rishta
Agar Koi Khanqah-E-Barkatiya Se Khud Ko Mansoob Kare, Wo Chahe Mera Bhatija Ho Ya Mera Bhanja Ho, Wo Imam Ahmed Raza Ki Burai Ya Hazrat Ameer Muawiyah رضي الله عنه Ki Tauheen Kare, Usse Mera Koi Talluq Nahi.
Tahreeri Khidmaat
- Sayyid Shah Barkatullah – Hayat Aur Ilmi Karname: 112 Safhat Par Mushtamil Is Kitab Mein Aapne Hazrat Sayyid Shah Barkatullah Alaihirrahmah Ke Halaat-E-Zindagi Aur Ilmi Kamon Ka Jaiza Liya Hai.
- Aadabus-Salikeen: Hazrat Ameen-E-Millat Ne Asri Taqazon Ke Pesh-E-Nazar Iska Jadeed Tarjuma Kiya Hai.
- Chahar Anwa'a: Auliya Ke Mukhtalif Tabaqon Ke Mamoolat Ko Bayan Kiya Hai.
- Mir Taqi Mir: Aapka Tahqiqi Maqala.
- Adab, Adeeb Aur Asnaaf: Urdu Adab Par Ilmi KaarNama.
- Qayam Chandpuri Halaat Aur Ilmi Karname: Shayari Wa Tazkira Nigari Par Roshni.
- Shah Haqqani Ka Urdu Tarjuma Wa Tafseer-E-Qur'an Majeed: Jadeed Andaz Mein Murattab Kar Ke Shaya Kiya.
Taleemi Wa Samaji Khidmaat
Majlise Barkat
1419 Hijri / 1999 E. Mein Jamia Ashrafiya Mubarakpur Mein Qayam, Dars-E-Nizami Ki Kutub Par Ulama-E-Ahle Sunnat Ke Hawashi Ki Tahqiq Wa Isha'at Ka Kaam Anjam Diya Gaya.
Majlise Sharii
2004 E. Mein Jamia Ashrafiya Mein Hazrat Ameen-E-Millat Ki Sarparasti Mein Iska Aaghaz Hua Aur Pachaas Se Zyada Masail Hal Kiye Gaye.
Al-Barkaat Educational Society
1995 E. Mein Registered Al-Barkaat Educational Society Aligarh Mein Qayam Ki Gayi. Iske Zariye Mukhtalif Taleemi Idare Qayam Kiye Gaye:
- Al-Barkaat Play And Learn Centre
- Al-Barkaat Senior Secondary School (Boys)
- Al-Barkaat Qadriya School (Girls)
- Al-Barkaat Institute Of Management Studies (M.B.A)
- Al-Barkaat Institute Of Education (B.Ed)
- Al-Barkaat College Of Graduate Studies
- Al-Barkaat Sayyid Hamid Community College
- Al-Barkaat Afternoon School
- Al-Barkaat Islamic Research And Training Institute
Aalamgir Pahchan
George Town University America Ke 2009 E. Ke Survey Mein Aalam-E-Islam Ki 500 Ba-Asar Shakhsiyat Mein Hazrat Ameen-E-Millat Ko 44ve Maqam Par Tasleem Kiya Gaya Hai.
Ahle-Khandan
Hazrat Ameen-E-Millat Ke Do Sahabzade Sayyed Muhammad Aman Aur Muhammad Sayyed Usman Aur Ek Sahabzadi Hain.
Sayyed Muhammad Aman Miyan Filhal Al-Barkaat Ke Sho'ba-E-Islamia Ke Director Hain.
Khulafa-E-Kiram
- Qaide Millat Mufti Asjad Raza Khan Sahab
- Gulzare Millat Sayyed Gulzar Miyan Wasti
- Bahrul Uloom Mufti Muhammad Abdul Mannan Azmi
- Imame Ilm Wa Fun Khwaja Muzaffar Hussain
- Mufti Muhammad Nizamuddin Sahab Misbahi
- Maulana Muhammad Ahmad Misbahi Sahab
- Maulana Abdul Mubeen Sahab Nomani
- Mufti Habib Yar Khan Sahab, Indore
- Maulana Ahsan Raza Khan Sahab
- Mufti Wali Muhammad Nagori
- Sayyed Noorullah Shah Buyari
- Allama Abdussattar Hamdani
Tazkira-E-Mashaikh-E-Marehra By Dr. Ahmad Mujtaba Siddiqui
Tajul Mashaikh Ameen-E-Millat Zindabad.
Khanqah-E-Barkatiya Marahra Sharif Zindabad.
Instagram
0 Comments