Sawal Karna Seekhiye

Sawaal Karna Seekhen

✍️ Tahreer Hasan Noori Gondvi | 🗓️ 20 July 2023

Mahe Muharramul Haraam Aa Gaya, Har Roz Kuch Naya Sunaane Ke Chakkar Mein, Rone Aur Rulaane Ke Liye Naye-Naye Waqiyaat Ghadhe Jaayenge. Koi Kahega Ki Sayyida Sakina Damishq Mein Yazeed Ke Jail Mein Wisaal Kar Gayi, Koi Bayaan Karega Ki Kabootar Ne Sayyida Fatima Sugra Ko Shahaadat Ki Khabar Di, Koi Ro Kar Bataayega Ki Sayyiduna Qasim Bin Hasan Ki Karbala Mein Shaadi Hui, To Koi Aahen Lekar Sunaayega Ki Sayyida Sakina Ko Shab-E-Ashoora Mein Imam Hussain Ne Qur'an Shuru Karwaaya.

Koi Aansoo Ponchte Hue Bolega Ki Imam Hussain Ne Ali Asghar Ke Khoon Ko Chehre Par Mal Liya, Kursi Par Haath Maar Kar Waa'z Bataayega Ki "Aun Wa Muhammad Ki Laash Dekh Kar Sayyida Zainab Ne Baal Khol Diye, Laash Se Chimat Gayi, Cheekhne Lagin, Sar Se Dupatta Hat Gaya." Koi Apaahij Farishta Ka Imam Hussain Ki Wilaadat Par Shifa Lene Ko Bayaan Karega, To Koi Imam Zainul Abideen Ko Chhota Bata Kar Zor Se Royega, To Koi "Hindustan" Se Brahman Ka Lashkar Imam Hussain Ki Madad Ke Liye Jaana Sunaayega.

❌ Mangadhant Waqiyaat

• Daawa: Sayyida Sakina Ka Wisaal Damishq Ki Jail Mein Hua
• Bayaan: Kabootar Ne Sayyida Fatima Sugra Ko Shahaadat Ki Khabar Di
• Kissa: Karbala Mein Sayyiduna Qasim Bin Hasan Ki Shaadi Hui
• Waa'z: Aun Wa Muhammad Ki Laash Dekh Kar Sayyida Zainab Ne Baal Khol Diye
• Daawa: Apaahij Farishta Imam Hussain Ki Wilaadat Par Shifa Lene Aaya
• Bayaan: Imam Zainul Abideen Ko Chhota Bata Kar Rone Wala Kissa
• Kissa: Hindustan Se Brahman Ka Lashkar Imam Hussain Ki Madad Ko Pahuncha

📢 Sawaal Karna Kyon Zaroori Hai?

Lihaaza Suno! Sawaal Karna Seekho Taaki Naslen Jahalat Ki Tareeki Se Baahar Niklen, Barjasta Poochhna Shuru Karo Taaki Ahle-Sunnat Ke Stage Mauzoo Aur Mangadhant Riwaayaton Se Paak Hon, Ali Al-Aailaan Sawaal Karo Taaki Raafiziyat Ke Jaraseem Ko Maara Ja Sake — Ye Saare Jhoothe Waqiyaat Hain Jin Ki Koi Asal Nahin.

🧠 Zaroori Sawaalaat

• Kya Sayyiduna Ali Ke Bhai Aur Behenon Ka Naam Maaloom Hai?
• Sayyiduna Ali Ke Bete Aur Betiyon Mein Kis-Kis Ko Jaante Ho?
• Hasnain Kareemain Ke Saare Bete Aur Betiyon Ka Naam Batao?
• Hasnain Kareemain Ki Kitni Riwaayaten Kitaabe Hadees Mein Aur Kaun-Kaun Si Hain?
• Karbala Mein Aale Ali Wa Aale Aqeel Ke Kis-Kis Fard Ne Shahaadat Paaee?
• Kitne Sahaabi Waqia-E-Karbala Mein Maujood The?
• Kufa Shahar Mein Us Waqt Kaun-Kaun Se Sahaabi Aur Taabaeen Maujood The?
• Hindustan Mein Imam Hasan Ki Nasl?
• Hasnain Kareemain Ki Rishta Daari Kis-Kis Sahaabi Se Thi?
• Hindustan Mein Imam Hasan Ki Nasl Ke Kaun-Kaun Se Buzurg Aaraam Farma Hain?
• Sayyiduna Ali Murtaza Ki Nasl Mubarak Kitne Beton Se Chali?
• Nabi-Ul-Ambiya (Sallallahu Alaihi Wa Sallam) Ki Betiyan Aur Beton Ke Naam Batao?

⚠️ Taajjub Hai! Zikre Hussain, Dhol-Baaja, Ghoda, Taziya Aur Nange Paon Chalne Ka Naam Nahin — Imam Hussain Ko Maanne Wale Unhein Sahi Se Jaante Tak Nahin!

Barkati Kashana Official — Join WhatsApp Channel