Taraqqi Ki Talash

Ek Talkh Haqeeqat....! 🥹

♻️ Pehle Maa Ki Nazrein Bata Deti Thi Ke Galti Kar Rahe Hain Aur Saza Milegi Phir Hum Ne Taraqqi Kar Li Aur Maa Mom (Mom) Ban Gayi Itni Moom Ho Gayi Ke Achhe Bure Ka Farq Batane Ke Liye Sakhti Karna Bhool Gayi...!!!

♻️ Pehle Shaam Hote Hi Abbu Ke Aane Ka Intezaar Hota Tha Phir Hum Ne Taraqqi Kar Li Aur Abbu Dad (Dad) Ban Gaye Aur Generation Gap Ke Naam Pe Yeh Rishta Hi Dead (Dead) Ho Gaya...!!!

♻️ Pehle Phuppo Ke Aane Par Behtareen Bistar, Behtareen Bartan Nikale Jaate The Bataya Jaata Tha Yeh Abbu Ki Behen Hain To Yeh Ghar Unka Bhi Hai Phir Hum Ne Taraqqi Kar Li Aur Pata Chala Phuppo Fasaad Aur Fitna Hai...!!!

♻️ Pehle Taleem Haasil Ki Jaati Thi Jo Aam Tor Par Nazar Aati Thi Phir Hum Ne Taraqqi Kar Li Aur Degree Lene Lage Par Taleem Kahin Gum Ho Gayi...!!!

♻️ Pehle Mohalla Ke Logon Mein Aana Jana Tha Roz Haisiyat Ke Mutabiq Khana, Phal Ek Doosre Ko Diye Jaate The Phir Hum Ne Taraqqi Kar Li Aur Padosi Bhook Se Khudkushi Karne Lage Bachche Bechne Lage...!!!

♻️ Pehle Eid Aur Digar Tehwar Maa Baap Aur Khandan Mein Guzarte The Phir Hum Ne Taraqqi Kar Li Aur Eid Tehwar Doston, Bazaaron Mein Guzarne Lage...!!!

♻️ Pehle Shadi Biyah Ke Mamlaat Khandan Ke Bade Tay Karte The Phir Hum Ne Taraqqi Kar Li Aur Pasand Ki Shadi Ke Liye Ghar Se Bhaagne Lage...!!!

♻️ Pehle Shadi Shuda Beti Ko Sabr Aur Khidmat Ki Talqeen Ki Jaati Thi Phir Hum Ne Taraqqi Kar Li Aur Branded Suit Aur Smartphone Afford Na Karne Wale Shohar Se Alag Hone Lagi...!!!

♻️ Pehle Shohar Se Jhagda Karne Wali Biwi Raat Ko Shohar Ki Wapsi Tak Jhagda Bhool Jaati Thi Phir Hum Ne Taraqqi Kar Li Aur Chhote Chhote Jhagdon Ki Khabrein Whatsapp Groups Mein Share Hone Lagi Aur Jhagde Tool Pakadne Lage...!!!

♻️ Pehle Shadi Se Pehle Mangetar Se Milna Ghalat Tha Phir Hum Ne Taraqqi Kar Li Aur Understanding Ke Liye Baat Hone Lagi...!!!

♻️ Pehle Ghar Mein Bhi Parda Karna Sikhaya Jaata Tha Phir Hum Ne Taraqqi Kar Li Aur Sab Cousins Ho Gaye...!!!

♻️ Pehle Parde Ke Liye Chadrein Aur Burqe Hote The Phir Hum Ne Taraqqi Kar Li Aur Parda Nazron Mein Aa Gaya...!!!

♻️ Pehle Buzurg Ghar Ki Ronaq Hote The Phir Hum Ne Taraqqi Kar Li Aur Woh Bojh Ban Gaye...!!!

♻️ Aur Phir Hua Yun Ke Hum Ne Taraqqi Kar Li...!!!

❣️ Apna Aur Apne Aas Paas Logon Ka Khayal Rakhein, JazakAllah Khair Kaseera

Kya Aap Hamari Baat Se Agree Karte Hain? ❤️

Tehreer Ko Sadqa Jariya Aur Allah Ki Raza Ki Niyat Se Apne Azeez O Aqarib Aur Maqami Groups Mein Share Kijiye, Ho Sakta Hai Allah Paak Aap Ki Thodi Si Mehnat Ya Koshish Se Kisi Ki Zindagi Badal De

---

Join Us On Instagram