Durood Shareef Padhne ki Fazilatein

Kya Aap Jante Hain Ke Sirf 1 Baar Durood Sharif Padhne Se Kya Hota Hai?

Ek Aisa Amal Jo Allah Aur Farishte Bhi Karte Hain...

---

Quran E Pak Mein Irshad-E-Bari Ta'ala

"Beshak Allah Aur Uske Farishte Nabi E Paak ﷺ Par Durood Bhejte Hain. Aye Imaan Walon! Tum Bhi Un Par Durood Aur Khub Salam Bheja Karo."
(Surah Al-Ahzab: 56)

Durood Shareef Ki Fazilatein (Ahadees-E-Mubaraka)

1. Das Rahmatein Aur Gunahon Ki Maafi

Nabi E Kareem ﷺ Ne Farmaya: "Jisne Mujh Par Ek Martaba Durood Bheja, Allah Us Par 10 Rahmatein Nazil Farmata Hai, Uske 10 Gunah Maaf Kiye Jaate Hain Aur Uske 10 Darjaat Buland Kiye Jaate Hain." (Sunan An-Nasa'i: 1297)

2. Saare Ghamon Ka Hal

Jab Ek Sahabi (Radiallahu Ta'ala Anhu) Ne Puchha Ke Agar Main Apna Sara Waqt Sirf Durood Padhne Mein Laga Dun? To Aap ﷺ Ne Farmaya: "Tab Yeh (Durood) Tumhare Saare Gham Door Karne Aur Gunahon Ko Bakshne Ke Liye Kaafi Ho Jayega." (Tirmizhi: 2457)

3. Dua Ki Qubooliyat

Umar Ibn Al-Khattab (Radiallahu Ta'ala Anhu) Farmate Hain: "Dua Zameen Aur Asmaan Ke Beech Ruki Rehti Hai Aur Upar Nahi Jaati, Jab Tak Ke Tum Apne Nabi E Paak ﷺ Par Durood Na Padh Lo." (Tirmizhi)

4. Likha Hua Durood

Farman E Mustafa ﷺ: "Jisne Kisi Kitab Mein Mujh Par Durood Likha, Farishte Us Waqt Tak Uske Liye Istighfar Karte Hain Jab Tak Mera Naam Us Kitab Mein Rahe." (Tabarani)

5. Shafa'at Ki Basharat

Farman E Mustafa ﷺ: "Jo Shakhs Subah Aur Sham 10-10 Martaba Mujh Par Durood Bhejta Hai, Qiyamat Ke Din Uske Liye Meri Shafa'at Lazim Ho Jayegi." (Majma Al-Zawaid)

6. Jannat Ka Rasta

Farman E Mustafa ﷺ: "Jo Shakhs Mujh Par Durood Padhna Bhool Gaya, Wo Jannat Ka Rasta Bhool Gaya." (Ibn Majah)

7. Munafiqat Se Aazadi

Rasool-E-Khuda ﷺ Ka Irshad Hai:

• Jo Mujh Par 1 Martaba Durood-E-Pak Padhe, Allah Pak Us Par 10 Rahmatein Nazil Farmayega.
• Jo Mujh Par 10 Baar Durood-E-Pak Padhe, Rab-E-Kareem Us Par 100 Rahmatein Nazil Farmayega.
• Aur Jo Mujh Par 100 Martaba Durood-E-Pak Padhe, Allah Pak Uski Dono Ankhon Ke Darmiyan Likh Dega Ki Yeh Banda Munafiqat Aur Jahannum Ki Aag Se Aazad Hai.

"Qiyamat Ke Din Logon Mein Se Mere Sabse Zyada Qareeb Wo Shakhs Hoga, Jisne Mujh Par Sabse Zyada Durood Bheja Hoga."
(Tirmizhi)