Hamari Soch Mein Inqilab Ki Zarurat
Aaj Ke Daur Mein Ummate Muslimah Ko Deen Aur Duniya Dono Mein Taraqqi Ki Sakht Zarurat Hai. Hum Aksar Har Saal Islam Or Sunniyat Ke Naam Par Awam Ke Lakho Ke Chando Se Jalse, Juloos Aur Urs Ke Aise Muqaddas Mauqo Par Gair Sharai Cheezo Me Lakho Fuzool Kharch Karte Hain Jo Na Deen Ka Faida Dete Hain Na Duniya Ka — Jinmein Riyakarana Numaish Aur Be-Maqsad Riwayat Ka Ghalba Hota Hai, Magar Asal Maqsad — Ilm, Amal Aur Rehnuma-Tayyari — Piche Reh Jata Hai.
Tareekhi Pasmanzar
Agar Hum Unme Kharch Hone Wale Paison Or Apni Mehnat Or Mashaqqat Ko Ghair Shari'i Rasmon Aur Fuzool Kharche Ke Bajaye Ek Islami Tarz Par School, College Ya Hospital Banane Mein Lagayein, To Yeh Na Sirf Sadqa-E-Jariya Ban Sakta Hai, Balki Hamare Ilake, Nasal Aur Mustaqbil Ko Roshan Kar Sakta Hai.
Key Point: Hamare Yahan Jalse, Juloos Aur Urs Manane Ko Hi Deen Ka Kaam Samjha Jata Hai... Is Liye Aksar Awam Aur (Maazirat Ke Saath) Kuch Ulama Hazrat School, College, Hospital Banane Ka Kabhi Sochte Bhi Nahi... Jabke Har Aadmi Ko School, College, Hospital Ki Zarurat Hoti Hai.
Financial Comparison
- • Madarse Chalane, Jalse, Juloos Ke Liye Har Saal Chanda
- • School/College/Hospital Sirf Ek Baar Tameer Ke Liye Chanda
- • Mustaqil Aamdani Ka Zariya Bhi Hote Hain
Islami Schools Aur Colleges Ke Faide
Ratnagiri Mein Jamia Imam Ahmad Raza KokanOr Alhamdulillah Us Ke Alawah Or Bhi Kuch Jagho Mein Dekha Gaya Ke Madarse Ke Saath Hi School Khola Gaya. Asaatiza Aur Ilaqe Ke Bachay Wahan School Bhi Padhte Hain Aur Saath Mein Madrasa Bhi. Wahan Ke Farigh Bacche Baad Mein Doctor, Engineer Bhi Ban Rahe Hain, Jo Saath Mein Aalim Bhi Hote Hain Ya Itna Deeni Ilm Zarur Hota Hai Jo Zaroori Hai, Magar Aise Idaro Ki Tadad Abhi Bhi Bahut Kam Hai
Strategic Insight:
Sochiye, Aaj Jo Madaris Ko Shaheed Kiya Ja Raha Hai, Agar Har Madrase Ke Saath School Hota To Kya Woh Mehfooz Rehta Ke Nahi? Is Zariye Se Juzwi Tor Par Sahi Deeni Taleem Ki Farahmi Ka Silsila Jaari Rehta.
1. Deeni Taleem Aur Tarbiyat
Ek Islami School Ya College Mein Bachon Ko Qur'an, Hadith, Fiqh, Aur Akhlaaq Ki Bunyadi Taleem Di Ja Sakti Hai. Unki Rozmarra Ki Zindagi Mein Ibadat, Namaz Aur Sabr, Shukr Jaise Islamic Values Ka Shaoor Paida Kiya Ja Sakta Hai.
2. Hifazat-E-Haya Aur Islami Mahol
Jab Taleem Ka Mahol Pur-Islam Ho, To Haya Aur Adab Barqarar Rehte Hain. Ladkon Aur Ladkiyon Ke Liye Alag Tarteeb, Islamic Dress Code, Aur Fuzool Aur Ghair-Sharai Activities Se Tahaffuz.
3. Deen Aur Duniya Ka Ittehad
Is Trah Ke Idare Sirf Deeni Taleem Tak Mehdood Na Ho, Balke Wahaan Science, Math, Technology Aur English Jaise Subjects Bhi Shandar Tareeqe Se Padhaye Jayen. Yeh Combination Bachon Ko Well-Rounded Muslim Bana Sakte Hain.
4. Muslim Identity Ka Tahaffuz
Aam Schoolon Mein Bachche Aksar Apni Pehchaan Kho Baithe Hain. Islami Idaron Mein Bachay Apne Mazhab, Tahzeeb Aur Zaban (Jaise Urdu, Arabic) Se Waqif Rehenge. Yeh Unhein Izzat Aur Confidence Bhi Dega.
5. Ladkiyon Ke Liye Khaas Faide
Aurat Ek Mua'share Ka Me'mar Hoti Hai. Islami Colleges Mein Ladkiyon Ko Amaan Aur Respect Ka Mahol Milta Hai. Wo Deen Ke Sath Doctor, Teacher, Engineer Ya Entrepreneur Bhi Ban Sakti Hain — Magar Haya Aur Hijab Ke Sath.
6. Nazariyati Safai Aur Fikr
Secular Ya Western Taleem Ka Asar Aaj Ki Nasl Ko Confused Kar Raha Hai. Islami Institutions Mein Bachon Ko Tawheed, Akhirat, Aur Islamic Worldview Samjhaya Ja Sakta Hai — Jo Unhein Andheron Mein Bhi Roshan Rasta Dikhata Rahe.
🏥 Islami Tarz Par Hospital Banane Ke Faide
Jahan School Aur College Deen Aur Duniya Mein Rehnuma Tayyar Karte Hain, Wahin Islami Hospitals Bimari Se Ladne Ke Sath Sabr Or Shukr Ki Talqeen Ki Ja Sakti Hai. Patients Ko Ilaj Ke Sath Saath Deeni Rehnumai Di Ja Sakti Hai. Har Treatment Islamic Ethics Ke Mutabiq Ho Sakta Hai — Jaise Halal Medicines, Aur Hijab Ka Khayal.
Khidmat-E-Khalq Aur Sadaqa-E-Jariya
Islami Hospitals Zakat Aur Sadqa Ke Zariye Gareebon Ka Muft Ya Sasta Ilaj Faraham Kar Sakte Hain. Yehi Amal Roze Qayamat Tak Chalne Wala Sadqa-E-Jariya Ban Sakta Hai.
Ladkiyon Ke Liye Safe Healthcare
Muslim Auratein Jahan Apne Hijab Aur Haya Ke Sath Ilaj Kara Sakein, Wahin Female Doctors Aur Nurses Ke Liye Bhi Career Ka Rasta Khulta Hai. Har Pehlu Mein Haya Aur Izzat Ka Khayal Rakha Ja Sakta Hai.
Health + Deeni Awareness
Hospitals Sirf Ilaj Ka Markaz Nahin, Balki Counseling Aur Islami Mashware Ka Bhi Markaz Ban Sakte Hain — Jahan Depression, Addiction, Ya Family Masail Ka Deeni Hal Bhi Pesh Kiya Ja Sakta Hai.
🧭 Aakhri Baat: Ek Soch Ki Tabdili
Sochiye — Har Saal Jo Crore Rupaye Jalse, Urs, Juloos Aur Riwaj Mein Gair Sharyi Cheezo Par Zaya Hote Hain, Agar Unhein Istemaal Karke Har Ilake Mein Ek Islami School, College Ya Hospital Qaim Kiya Jaye, To Hamari Nasl Ilm, Sehat Aur Imaan Mein Mahfooz Aur Mazboot Ho Sakti Hai.
Aham Baatein
- • Sadqa-E-Jariya: Islami Institutions Roz Qayamat Tak Ajr Ka Silsila Ban Sakte Hain
- • Financial Stability: Ek Baar Ke Investment Se Mustaqil Aamdani Ka Zariya
- • Qaumi Taraqqi: Deen Aur Duniya Dono Mein Ummat Ki Buland Maqam Ka Zariya
Apne Ilaqe Ki Tanzeemon Ko Islami Schools Aur Colleges Ki Ahmiyat Samjhaiye. Agar Hum Har Ilaqe Mein Aise Idare Qaim Karein, To Hum Apne Bachon Ko Deeni Aur Duniyaavi Ilm Ke Behtareen Tarbiyat Se Nawaz Sakte Hain.
Join Our Islamic Community
Barkati Kashana
A Platform For Authentic Islamic Knowledge In The Sunni Hanafi Barelvi Tradition, Sharing Teachings Of Quran, Hadith, Sunnah And The Legacy Of Imam Ahmed Raza Khan.
Quick Links
- • Daily Prayers & Sunnah
- • Islamic Articles
- • Naat Collections
- • Women's Circle
Contact Us
Admin: Sajid Ali Barkati
Email: islamicprofile1312@gmail.com
Join Barkati Kashana Official WhatsApp Channel
For authentic Islamic content and discussions