Madani Qaida

Sabaq Number 1: Huroof-e-Mufradat Click

1. Huroof-e-mufradat Ya’ni Huroof-e-tahajji 29 Hayn.
2. Huroof-e-mufradat Ko Tajweed-o-qira`at Kay Mutabiq ‘arabi Lehjay May Ada Karayn Urdu Talaffuz Say Parhez Kare, Yani Be Te Se Nahi Balki Ba Ta Sa Padhe
3. In 29 Huroof Mayn 7 Huroof Aysay Hayn Jo Har Halat Mayn Pur; Ya’ni Mottay Parhay Jatay Hayn Unhayn ‘huroof-e-musta’liyah’ Kahtay Hayn Aur Wo Ye Hain ق , غ ,ظ ,ط ,ض ,ص ,خ’  Or In Ka Majmooa Hai
4. Honton Say Sirf 4 Huroof Ada Hotay Hayn: ب, ف, م, و. In Kay ‘ilawah Baqi Huroof Per Hont Na Hilnay Dayn
5. In 3 Huroof ز, س, ص Ko Ada Kartay Waqt Seeti Ki Tarah Tez Aawaaz Nikalti Hay Is Liye In Huroof Ko Huroof-e-safeeriyah Ya’ni Seeti Walay Huroof Kahtay Hayn. 

Sabaq Number 2: Huroof-e-Murakkabat Click

1. Do ‘2’ Ya Is Say Zaid Huroof Mil Ker Ayk Murakkab Banta Hay. 
2. Murakkab Huroof Ko Mufrad Huroof Ki Tarah Alag Alag Parhayn. Is Sabaq Mayn Bhi Talaffuz Ki Adaeigi Ka Khas Khayal Rakhtay Huway Ma’roof Ya’ni ‘arabi Lehjay Mayn Parhayn.
3. Jab 2 Ya Is Say Zaid Huroof Mila Ker Likhay Jatay Hayn To In Ki Shakal Kuch Badal Jati Hay Aksar Huroof Ka Sar Likha Jata Hay Aur Dharr Chhor Diya Jata Hay.
4. Jo Huroof Murakkab Honay Ki Halat Mayn Ayk Jaysay Likhay Jatay Hayn In Ki Nuqton Kay Radd-obadal Say Pehchan Karayn.  

Sabaq Number 3: Harakaat Click

1. Harakat Ki Jama’ ‘harakaat’ Hay. Zabar Zer Pesh Ko Harakaat Kahtay Hayn. Zabar Aur Paysh Haraf Kay Opper Jab Keh Zayr Haraf Kay Neechay Hota Hay.
2. Jis Haraf Per Koi Harakat Ho Usay Mutahrrik Kahtay Hayn.
3. Zabar Munh Aur Aawaz Ko Khol Ker, Zayr Aawaz Ko Neechay Gira Ker Aur Paysh Honton Ko Gol Ker Kay Ada Karayn.
4. Harakaat Ko Baghayr Kheenchay Baghayr Jhatka Diye Ma’roof Parhayn
5. Alif ‘per Koi Harakat Ya Jazm Aa Jaey To Isay Hamzah Parhayn. 
6. ‘را ‘per Zabar Ya Paysh Ho To ‘را ‘ko Pur Aur ‘را ‘kay Neechay Zayr Ho To ‘را ‘ko Bareek Parhayn.

Sabaq Number 4 Click

1. Is Sabaq Ko Rawan Parhayn. C Harakaat Ki Durust Adaegi Ka Khas Khayal Rakhayn
2. Huroof-e-qareeb-us-sawt Ya’ni Milti Julti Aawaaz Walay Huroof Mayn Wazih Faraq Karayn.
3. Huroof-e-qareeb-us-sawt 16 Hain

Sabaq Number 5: Tanween Click

1. Do Zabar , Do Zayr Aur Do Paysh Ko ‘tanween’ Kahtay Hayn. Jis Haraf Per Tanween Ho Usay Munawwan Kahtay Hayn.
2. Tanween ‘noon Saakin’ Hota Hay Jo Kalimay Kay Aakhir Mayn Aata Hay Is Liye Tanween Ki Aawaaz ‘noon Saakin’ Ki Tarah Hoti Hai
3. Tanween Kay Hijjay Is Tarah Karayn: Meem 2 Zabar Man Meem 2 Zer Min Meem  2 Pesh Mun ( Man, Min, Mun)
4. Zabar Ki Tanween Kay Ba’ad Kahin ‘ا ‘aur Kahin ‘ی ‘likha Jata Hay Hijjay Kartay Waqt Is Ka Naam Na Layn

Sabaq Number 6 Click

1. Is Sabaq Ko Hijjay Aur Rawan Donon Tareeqon Say Parhayn. 
2. Harakaat, Tanween Aur Tamam Huroof Bil-khusoos Huroof-e-musta’liyah Ki Durust Adaegi Ka Khas Khayal Rakhayn. 

Sabaq Number 7 Huroof-e-maddah Click

1. Is ‘alamat Ko Jazm Kahtay Hayn. Jis Haraf Per Jazm Ho Usay Sakin Kahtay Hayn.
2. Sakin Haraf Apnay Say Pehlay Mutaharrik Haraf Say Mil Ker Parha Jata Hay
3. Huroof-e-maddah 3 Hain Alif Wao Or Yaa
4. Alif Se Pahle Zabar Ho To Alif Maddah Hoga Wao Sakin Se Pahle Pesh To Wao Maddah Or Ya Sakin Se Pahle Zer To Ya Maddah Hoga
5. Huroof-e-maddah Ko Ayk Alif Ya’ni Do Harakaat Kay Barabar Kheench Ker Parhayn
6. Hijje Is Tarah Kar Baa Alif Zabar Baa, Baa Wao Pesh Buu, Ba Yaa Zer Bee, (Baa Bu Bee)

Sabaq Number 8 Khari Harakaat Click

1. Kharay Zabar , Kharay Zayr Ultay Paysh Ko Khari Harakaat Kahtay Hayn
2. Khari Harakaat Huroof-e-maddah Kay Qa`im Maqaam Hay Is Liye Khari Harakaat Ko Bhi Huroof-e-maddah Ki Tarah Ayk Alif Ya’ni Do Harakaat Kay Barabar Kheench Ker Parhayn. 
3. Is Sabaq Mayn Bhi Qareeb-us-sawt Ya’ni Milti Julti Aawaaz Walay Huroof Mayn Wazih Faraq Karayn. 

Sabaq Number 9 Huroof-e-Leen Click

1. Huroof-e-leen Do (2) Hayn Wao Aur Yaa
2. Wao Saakinah Say Pehlay Zabar Ho To Wao Leen’ Hoga. Or Yaa Saakinah Say Pehlay Zabar Ho To Yaa Leen’ Hoga
3. Huroof-e-leen Ko Baghayr Kheenchay Baghayr Jhatka Diye Narmi Say Ma’roof Parhayn

Sabaq Number 10 Click

1. Is Sabaq Mayn Pichhlay Tamam Asbaaq Ya’ni Harakaat, Tanween, Huroof-e-maddah, Khari Harakaat Aur Huroof-e-leen Shamil Hayn.
2. In Tamam Qawa’id Ki Adaegi Aur Pehchan Ki Pukhtagi Kay Sath Sath Sehat-e-lafzi Ka Khas Khayal Rakhayn Bil-khusoos Huroof-e-musta’liyah.