Barkati Kashana
Divine Wisdom • Spiritual Guidance
The Snake's Lesson
Yeh Ek Khatoon Ki Kahani Hai Jis Ke Paas Ek Paaltu Saanp, Azgar Tha, Jise Woh Bohat Pasand Karti Thi. Saanp 4 Meter Lamba Aur Sehat Mand Nazar Aata Tha, Ek Din Us Ke Ghair Mamooli Paaltu Janwar Ne Khana Peena Chorh Diya. Saanp Mein Bhookh Ki Yeh Kami Chand Hafton Tak Jari Rahi. Mayoos Aurat Ne Apni Har Mumkin Koshish Ki Aur Har Woh Cheez Paish Ki Jise Saanp Gala Ghoont Kar Kha Le. Par Kuch Faida Na Hua, Aur Aakhir Kar Woh Aurat Apne Pyare Paaltoo Janwar Ko Janwaron Ke Doctor Ke Paas Le Gayi.
Doctor Ne Aurat Ki Baat Ghaur Se Suni Aur Poocha, "Kya Aap Ka Saanp Raat Ko Aap Ke Sath Sota Hai, Aap Ke Gird Lapet Kar Apni Lambai Mein Phailta Hai?" Aurat Hairan Hui Aur Bohat Umeed Ke Sath Kehne Lagi, "Haan! Ji Haan! Yeh Har Roz Karta Hai Aur Yeh Mujhe Bohat Udaas Karta Hai Kyun Ke Main Dekhti Hoon Ke Goya Yeh Mujh Se Kuch Pooch Raha Hai, Aur Main Use Behtar Mehsoos Karne Mein Madad Nahin Kar Paati. Phir, Doctor Ne Kuch Chonka Dene Wali Aur Sab Se Zyada Ghair Mutawaqqa Baat Kahi. "Madam, Aap Ka Paaltoo Janwar Beemar Nahin Hai. Yeh Sirf Tumhein Khaane Ki Tayari Kar Raha Hai. Har Baar, Yeh Reengta Hai Aur Aap Ko 'Galay Lagata Hai', Aap Ke Jism Ke Gird Lapet Ta Hai, Yeh Size Ki Jaanch Partaal Kar Raha Hai Ke Aap Kitna Acha Khana Hain Aur Hamlay Se Pehle Khud Ko Kaise Tayyar Karna Chahiye. Aur Haan, Yeh Nahin Khata, Taake Aap Ko Zyada Asaani Se Hazm Karne Ke Liye Pait Mein Kafi Jagah Mil Jaye.
Ab Zara Ghaur Se Sunain: (Khaas Tor Par Larkiyon Ke Liye) Woh Log Jo Aap Ke Qareeb Hain, Jin Se Aap Bohat Pyar Karte Hain, Un Ke Iraade Ghalat Bhi Ho Sakte Hain. Aap Ko Apne Aas Paas Ke Saanpon Aur Un Ke Haqeeqi Iraado Ki Shanakht Karni Chahiye. Is Dushman Se Mat Darain Jo Aap Par Hamla Kare, Balke Us Jhooti Dosti Se Darain Jo Facebook Ke Zariye Aap Ki Tasveerain Maang Kar Goya Aap Ko Galay Lagata Hai. WhatsApp Par Ya University Life Mein Aap Se Qareeb Hota Hai, Taake Aap Ko Asaani Se Hazm Kar Sake. Yaqeen Janein, Aap Ke Walidain Se Zyada Koi Aap Se Muhabbat Nahin Kar Sakta, Nikah Se Qabl Muhabbat Ka Har Daawa Jhoota Hai. Zanana Kamzori Yeh Hai Ke Woh Tareef Se, Tohfay Se, Laalach Ya Kisi Ke Baar Baar Muhabbat Ke Daaway Se Narm Par Jaati Hai, Aitmaad Karne Lagti Hai, Nateeja Yeh Ke Woh Azgar Ban Kar Aap Ki Pakdamni Ko Das Leta Hai, Phir Siwaay Afsos Ke Kuch Baaqi Nahin Rehta. Faasla Rakhein, Be Takalluf Na Hon, Ghair Zaroori Koi Free Hone Ki Koshish Kare, Tohfay Dena Chahe, Bohat Zyada Tareef Karne Lage To Samajh Jayein Ke Saanp Hazm Karne Ki Tayari Mein Hai
Key Lesson
Allah Ne Aap Ke Liye Yaqeenan Koi Khubsurat Jor Banaya Hai, Us Ka Intezar Karein, Waqt Par Wohi Aap Ko Milna Hai. Kisi Saanp Ko Sath Sulaane Ki Hamaqat Kabhi Na Karein