Masjid-E-Nabwi Mein Ek Naujawan Ki Dastaan
Ek Turk Musalman Masjid-E-Nabwi Shareef Ke Ihatay Mein Khara Ho Kar Apni Aankhon Se Dekha Hua Hairat Angaiz Waqia Bayan Karta Hai 
Police Ka Intezar Aur Giraftari
Main Masjid-E-Nabwi Mein Khara Dekh Raha Tha Ke Chaar Police Wale Kisi Ka Intezar Kar Rahe The. Phir Ek Shakhs Numudar Hua, To Police Walon Ne Use Giraftar Kar Liya Aur Hathkadi Pehna Di
Wo Naujawan Kehne Laga
Mujhe Tawassul Aur Dua Ki Ijazat De Do Meri Baat Sun Lo Main Koi Bhikari Nahi Hoon Na Chor Hoon
Phir Wo Naujawan Cheekhne Laga
Maine Use Dekha To Aisa Laga Jaise Main Use Jaanta Hoon Main Batata Hoon Ke Maine Ise Kaise Jaana Darasal Maine Ise Kayi Martaba Bargah-E-Risalat Mein Rota Hua Dekha Tha
Ye Ek Albani Naujawan Tha Jiski Umr 36 Ya 35 Saal Ki Thi Uske Sunahre Baal Aur Halki Daarhi Thi
Maine Police Walon Se Kaha
Iska Koi Jurm Nahi Hai To Tum Iske Sath Aisa Kyun Kar Rahe Ho
Ilzaam Kya Tha
Police Walon Ne Kaha
Tu Peechay Hat Is Maamlay Mein Bolne Ka Tujhe Koi Haq Nahi
Lekin Main Ne Phir Se Kaha
Aakhir Iska Tumhare Sath Kya Masla Hai Kya Isne Koi Chori Ki Hai
Unhon Ne Kaha
Ye Banda 6 Saal Se Zyada Madina Shareef Mein Reh Raha Hai Lekin Iska Qiyam Ghair Qanooni Hai Hum Ise Pakad Kar Wapas Iske Mulk Bhejna Chahte Hain
Lekin Yeh Har Baar Hamari Pakar Se Bhaag Jata Hai Aur Ja Kar Roza-E-Rasool Mein Panah Le Leta Hai Hum Ise Andar Ja Kar Giraftar Nahi Karna Chahte The
Maine Poocha
To Ab Iske Sath Kya Karoge
Kehne Laga
Hum Ise Ek Baar Phir Jahaz Par Pahucha Denge Aur Wapas Albania Bhej Denge
To Naujawan Musalsal Rota Ja Raha Tha Aur Keh Raha Tha
Kya Ho Jayega Agar Tum Mujhe Chhod Doge To Dekho Main Koi Chor Nahi Hoon
Aakhri Arz
Nahi Main Kisi Se Bheek Nahi Maangta Main To Idhar Bas Mohabbat-E-Rasool Mein Reh Raha Hoon
Police Walon Ne Kaha Aisa Jaiz Nahi Hai
Naujawan Ne Kaha
Mujhe Zara Aaram Se Rasool Allah Se Ek Arz Kar Lene Do
Phir Naujawan Ne Apna Munh Gumbad-E-Khazra Ki Taraf Kar Liya
Police Walon Ne Kaha
Chal Jo Kehna Hai Keh Le
To Naujawan Ne Gumbad-E-Khazra Ki Taraf Dekha Aur Jo Kuch Arabi Mein Kaha Main Ne Samajh Liya
Wo Naujawan Keh Raha Tha
Ya Rasool Allah
Kya Hamare Darmiyan Ittifaq Nahi Hua Tha
Kya Main Ne Apne Maa Baap Ko Nahi Chhoda
Kya Main Ne Apna Ghar Karobaar Aap Ke Liye Nahi Chhoda
Aur Yeh Ahd Kar Ke Yahan Nahi Aaya Tha Ke Aap Ke Jawar-E-Rehmat Mein Raha Karunga
Huzoor Ab Dekh Lijiye Yeh Mujhe Aisa Karne Se Mana Kar Rahe Hain
Ya Rasool Allah Aap Mudakhlat Kyun Nahi Farma Rahe Hain
Ya Rasool Allah Aap Mudakhlat Kyun Nahi Farma Rahe Hain
Itni Der Mein Naujawan Behaal Hone Laga To Police Walon Ne Zara Dheel Di Aur Naujawan Neeche Gir Gaya
Ek Police Wale Ne Use Thappar Maartay Hue Kaha Uth Dhokay Baaz
Lekin Naujawan Ne Koi Rad-E-Amal Zahir Nahi Kiya
Maine Police Walon Se Kaha
Yeh Nahi Bhagega Tum Hamamaat Se Pani Laao Aur Iske Chehre Par Pani Dalo
Lekin Naujawan Koi Harkat Nahi Kar Raha Tha
Ek Police Wale Ne Kaha
Ise Dekho To Sahi Kahin Yeh Sach Much Mein To Nahi Mar Gaya
Dusra Police Wala Kehne Laga
Ise Hum Ne Kaun Si Aisi Zarb Lagayi Thi Jis Se Yeh Mar Jaye
Phir Unhon Ne Ambulance Ko Bulaya
Woh Idhar Samnay Wale Saat Number Gate Se Ek Ambulance Le Aaye
Unhon Ne Naujawan Ki Shah Rag Par Haath Rakh Kar Harqat Note Ki Aur Nabz Check Ki To Kehne Laga
Isay To Mare Hue 15 Minute Guzar Chuke Hain
Aansuon Bhari Nadamat
Ab Police Wale Mujrimon Ki Tarah Neeche Baith Gaye Aur Rone Lage
Woh Manzar Bhi Dekhne Wala Tha
Un Mein Se Ek To Apne Dono Zanoon Par Haath Maartay Hue Keh Raha Tha
Haye Hamare Haath Kyun Na Toot Gaye Kaash Yehi Maloom Hota Ke Ye Itna Bada Aashiqe Rasool Hai To Hum Kabhi Aisa Na Karte
Us Ke Baad Ambulance Walon Ne Use Wahan Se Uthaya Aur Jannat-Ul-Baqi Ki Taraf Tajheez-O-Takfeen Wale Hisse Mein Le Gaye
Ghusl Ke Waqt Main Bhi Wahan Mojood Tha
Maine Un Se Kaha
Mujhe Bhi Haath Lagane Do Mujhe Bhi Iski Charpai Ko Uthane Do
Jab Janaza Tayyar Ho Kar Namaz Ke Liye Jane Laga To Police Walon Ne Mujh Se Kaha
Hum Ne Jitna Gunah Uthaya Hai Bas Itna Kafi Hai
Ise Hamare Siwa Aur Koi Nahi Uthayega
Shayad Isi Tarah Humein Aakhirat Mein Kuch Riayat Mil Jaye
Mere Samne Hi Woh Naujawan Baar Baar Keh Raha Tha
Ya Rasool Allah Aap Mudakhlat Kyun Nahi Farmate
Dekho
Rasool Allah Ne Mudakhlat Farma Hi Di Aur Malak-Ul-Maut Ne Apna Fariza Ada Kar Ke Use Aap Tak Hamesha Ke Liye Pahucha Diya
SubhanAllah
Ek Aashiq-E-Rasool Ki Mohabbat Ka Yeh Manzar Qayamat Tak Logon Ke Liye Ibrat Aur Mohabbat Ka Paigham Rahega