Aapke bachche aapse pooche ya na pooche, aap unhe zaroor ye bataaiye ki hum 'Falesteen' se isliye mohabbat karte hain ki!.....
- Muslaman Falesteen se mohabbat isliye karte hain ki ye Falesteen Nabiyo ka maskan aur sarzameen rahi hai.
- Hazrat Ibrahim (Alaihis Salam) ne Falesteen ki taraf hijrat farmayi.
- Allah ne Hazrat Loot (Alaihis Salam) ko us azaab se nijaat di jo unki qaum par is jagah nazil hua tha.
- Hazrat Dawood (Alaihis Salam) ne is sarzameen par sukoonat rakhi aur yahaan apna ek Mehrab bhi tameer farmaya.
- Hazrat Suleiman (Alaihis Salam) is mulk mein bait kar saari duniya par hukumat karte the.
- Quran mein cheenti ka woh mashhoor kissa jismein ek cheenti ne baaki saathiyo se kaha tha 'Aye cheentiyo! Apne bilon mein ghus jao', ye kissa yahiin Falesteen ke 'Asqalan' shehar ki waadi mein pesh aaya tha.
- Hazrat Zakariya (Alaihis Salam) ka Mehrab bhi isi shehar mein hai.
- Hazrat Musa (Alaihis Salam) ne is mulk ke baare mein apne saathiyo se kaha tha, 'Is mukaddas shehar mein daakhil ho jao!' Unhone is shehar ko mukaddas isliye kaha tha ki ye shirk se paak aur Nabiyo ki sarzameen hai.
- Is shehar mein kai mojze hue hain jinmein ek kunwari bibi Hazrat Maryam ke batan (pet) se Isa (Alaihis Salam) ki paidaish hui.
- Hazrat Isa (Alaihis Salam) ko jab unki qaum ne qatl karna chaha to Allah ne unhein isi shehar se aasman par utha liya tha.
- Falesteen se mohabbat zaroori... kyun? (Part 2)
Nigahein muntazir hai Bait-ul-Muqaddas ki fatah ke liye Ya Rab, phir kisi Salahuddin Ayyubi ko bhej de...Aameen