.jpg)
Sawal : Roza Kise Kahte Hain...?
Jawab : Subahe Sadiq Se Guroobe Aaftab Tak Niyyat Ke Sath Khane Pine Or Jima'a Se Rukne Ka Naam Roza Hai.
Sawal : Ramzan Shareef Ke Roze Kis Par Farz Hain...?
Jawab : Ramazan Shareef Ke Roze Har Musalman Aaqil Baligh Mard Aor Aurat Par Farz Hai, Is Ki Farziyyat Ka Inkar Karne Wala Kafir Or Bila Uzr Chodne Wala Sakht Gunahgar Aor Fasiq Mardoodush shadah Hai, Aor Bacha Jab 10 Saal Ki Umar Ka Ho Jaye Or Us Me Roza rakhne Ki Taqat Ho To Usse Roza Rakhwaya Jaye Or Na Rakhe To Maar Kar Rakhwaya Jaye
Sawal : Kin Suraton Me Roza Na Rakhne Ki Ijazat Hai...?
Jawab : Jin Sooraton Me Roza Na Rakhne Ki Ijazat Hai Un Me Se Kuch Ye Hain,
1. Safar Yaani 3 Din Ki Raah Ke Iradah Se (Ghar Se) Nikalna Lekin Agar Safar Me Mashaqqat Na Ho To Roza Rakhna Afzal Hai 2. Hamila Aurat (Pragnant Lady) 3. Doodh Pilane Wali Aurat Ko Apni Ya Bache Ki Jaan Ka Sahih Andesha Ho To Is halat Me Roza Na Rakhne Ki Ijazat Hai 4. Shaikhe Fani Yani Wo Budha Shaksh Ki Ab Roza Nahi Rakh Sakta Or Na Aindah Us Me Itni Taqat Aane Ki Umeed Hai Ki Roza Rakh Sake Ga To Use Roza Na Rakhne Ki Ijazat Hai 5. Mareez Ko Marz Badh Jane Ya Der Me Acha Hone Ya Tandrust Ko Bimar Ho Jane Ka Ghuman Galib Ho To Us Din roza Na Rakhna Jaiz Hai Note Aurto Or Ladkiyon Ko Haiz Or Nifas (Period) Ki Halat Me Roza Rakhna Jaiz Nahi
Sawal : Kya In (Ooper Diye Logo) Ko Baad Me Rozo Ki Qaza Karna Farz Hai...?
Jawab : Ha Uzr Khatam Ho Jane Ke Baad Sab Logo Ko Rozo Ki Qaza Karna Farz Hai Or Shaikhe Fani (Bahut Boodha) Agar Thandi Ke Dino Me Qaza Rakh Sakta Hai To Rakhe Warna Har Roze Ke Badle Dono Waqt Ek Miskeen Ko Pet Bhar Ke Khana Khilaye Ya Har Roze Ke Badle Sadqa Fitar Ki Miqdar Kisi Miskeen Ko Dede
Sawal : Jin Logo Ko Roza Na Rakhne Ki Ijazat Hai Kya Wo Kisi Cheez ko Khule Aam Kha Pee Sakte Hain...?
Jawab : Nahi, Unhe Bhi Khule Aam Kisi cheez Ko Khane Pine Ki Ijazat Nahi.
Sawal : Jo Shaksh Bila Uzre Sharai Ramzan Me Khule Aam Khaye Piye To Uske Bare Me Kya Hukm Hai...?
Jawab : Aise Shaksh Ke Bare Me Badshahe Islam Ko Hukm Hai Ki Use Qatl Kar De Or Jaha Islami Saltanat Na Ho to Sab Musalman Us Ka Boycott Kare